ದಕ್ಷಿಣ ಕನ್ನಡ

ನಾರಾವಿ/ಕುತ್ಲೂರು : ಬೆಳ್ತಂಗಡಿ ತಾಲೂಕು ಗ್ಯಾರಂಟಿ ಯೋಜನಾ ಸಮಿತಿ ಸದಸ್ಯ ಮುನಿರಾಜ್ ಜೈನ್ ಅವರಿಗೆ ಶಾಂತಿ ಸೌಹಾರ್ದ ಸಂಘದಿಂದ ಸನ್ಮಾನ


ನಾರಾವಿ/ಕುತ್ಲೂರು: ಕರ್ನಾಟಕ ಸರ್ಕಾರದಿಂದ ಬೆಳ್ತಂಗಡಿ ತಾಲೂಕು ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿಯ ಸದಸ್ಯರಾಗಿ ನೇಮಕಗೊಂಡಿರುವ ನಾರಾವಿಯ ಉದ್ಯಮಿ ಹಾಗೂ ನಮ್ಮ ಶ್ರೀ ಶಾಂತಿ ಸೌಹಾರ್ದ ಸ್ವ ಸಹಾಯ ಸಂಘ, ಕುತ್ಲೂರು ಇದರ ಸದಸ್ಯರಾದ *ಶ್ರೀ ಮುನಿರಾಜ್ ಜೈನ್* ಅವರನ್ನು ಸಂಘದ ವತಿಯಿಂದ ಗೌರವಪೂರ್ವಕವಾಗಿ ಸನ್ಮಾನಿಸಲಾಯಿತು.

ಕುತ್ಲೂರಿನಲ್ಲಿ *ಚೇತನಶ್ರೀ ಕೆ. ಕರುಣಾಕರ ಜೈನ್* ಅವರ ಮನೆಯಲ್ಲಿ ನಡೆದ ವಿಶೇಷ ಸಭಾ ಕಾರ್ಯಕ್ರಮದಲ್ಲಿ ಈ ಸನ್ಮಾನ ಕಾರ್ಯಕ್ರಮ ಜರುಗಿತು.

ಕಾರ್ಯಕ್ರಮದಲ್ಲಿ ಶ್ರೀ ಶಾಂತಿ ಸೌಹಾರ್ದ ಸ್ವ ಸಹಾಯ ಸಂಘದ *ಗೌರವ ಅಧ್ಯಕ್ಷರಾದ ಶ್ರೀ ಕೆ. ಪ್ರಭಾಕರ್ ಬುಣ್ಣು*, ನಿರ್ದೇಶಕರಾದ *ಜಯರಾಜ್ ಕಡಂಬ*, ಸಂಘದ ಅಧ್ಯಕ್ಷರಾದ *ಕೆ. ಕರುಣಾಕರ ಜೈನ್*, ಉಪಾಧ್ಯಕ್ಷರಾದ *ಅಖಿಲ್ ಜೈನ್*, ಕಾರ್ಯದರ್ಶಿ *ಶ್ರೇಯಾಂಸ್ ಕುಮಾರ್* ಅವರು ಉಪಸ್ಥಿತರಿದ್ದು, ಶ್ರೀ ಮುನಿರಾಜ್ ಜೈನ್ ಅವರನ್ನು ಶಾಲು, ಹಾರ ಹಾಕಿ ಅಭಿನಂದಿಸಿದರು.

ಇದೇ ಸಂದರ್ಭದಲ್ಲಿ ಸಂಘದ ಸದಸ್ಯರಾದ *ಶ್ರೀಪಾಲ ಕಾಡ, ಧನಕೀರ್ತಿ ಜೈನ್, ಕೇಶೀರಾಜ್ ಜೈನ್, ಅಶೋಕ ಕುಮಾರ್ ಜೈನ್, ಪ್ರಮೋದ್ ಕುಮಾರ್ ಜೈನ್, ಅಕ್ಷಿತ್ ಜೈನ್, ಅಮೃತ್ ಜೈನ್, ಶ್ರೀಮತಿ ಶೋಭಾ, ಶ್ರೀಮತಿ ಸೌಮ್ಯ ಕರುಣಾಕರ ಜೈನ್, ಶ್ರವಣ್ ಜೈನ್, ರಂಜನ್ ಇಂದ್ರ, ಕಾರ್ತಿಕ ಜೈನ್, ಸುರೇಶ್ ಜೈನ್, ಶ್ರೀಮತಿ ಮಮತಾ ಜೈನ್, ಪಾರ್ಶ್ವನಾಥ ಜೈನ್, ನಿಮಿತ್ ಜೈನ್* ಸೇರಿದಂತೆ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ಶ್ರೀ ಮುನಿರಾಜ್ ಜೈನ್ ಅವರು, ತಮಗೆ ಸರ್ಕಾರ ನೀಡಿದ ಜವಾಬ್ದಾರಿಯನ್ನು ಪ್ರಾಮಾಣಿಕವಾಗಿ ನಿಭಾಯಿಸಿ, ಸರ್ಕಾರದ ಗ್ಯಾರಂಟಿ ಯೋಜನೆಗಳು ನಿಜವಾದ ಫಲಾನುಭವಿಗಳಿಗೆ ತಲುಪುವಂತೆ ಕೆಲಸ ಮಾಡುವುದಾಗಿ ಭರವಸೆ ನೀಡಿದರು. ಈ ನೇಮಕಕ್ಕೆ ಸಹಕರಿಸಿದ ಎಲ್ಲರಿಗೂ ಅವರು ಕೃತಜ್ಞತೆ ಸಲ್ಲಿಸಿದರು.

ಸಂಘದ ವತಿಯಿಂದ ಅವರ ಮುಂದಿನ ಸಮಾಜ ಸೇವೆಗೆ ಶುಭ ಹಾರೈಸಲಾಯಿತು.