ನವದೆಹಲಿ:ದೇಶಾದ್ಯಂತ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದ್ದ ಕೇವಲ ಎರಡೂವರೆ ವರ್ಷದ ಹೂವಿನಂತಹ ಮಗು ದಿಲ್ ರೋಜ್ಳ ದೂಷಿತ ಕೊಲೆ ಪ್ರಕರಣ ಇದೀಗ ಮತ್ತೆ ನ್ಯಾಯಾಲಯದ ಅಂಗಳ ತಲುಪಿದೆ. ಪ್ರಕರಣದಲ್ಲಿ ವಿಚಾರಣಾ ನ್ಯಾಯಾಲಯದಿಂದ ಮರಣದಂಡನೆ (ಗಲ್ಲು ಶಿಕ್ಷೆ) ಪಡೆದಿರುವ ಆರೋಪಿ ನೀಲಂ, ತನ್ನ ಶಿಕ್ಷೆಯನ್ನು ರದ್ದುಗೊಳಿಸುವಂತೆ ಕೋರಿ ಹೈಕೋರ್ಟ್ನಲ್ಲಿ ಮೇಲ್ಮನವಿ ಸಲ್ಲಿಸಿದ್ದಾಳೆ.
ವೈಯಕ್ತಿಕ ದ್ವೇಷಕ್ಕೆ ಬಲಿಯಾಗಿದ್ದ ಕುರಿ:
ಪ್ರಕರಣದ ಹಿನ್ನೆಲೆಯ ಪ್ರಕಾರ, ಮೃತ ಮಗುವಿನ ಕುಟುಂಬ ಹಾಗೂ ನೆರೆಮನೆಯಲ್ಲಿ ವಾಸವಾಗಿದ್ದ ವಿಚ್ಛೇದಿತ ಮಹಿಳೆ ನೀಲಂ ನಡುವೆ ವೈಯಕ್ತಿಕ ದ್ವೇಷವಿತ್ತು ಎನ್ನಲಾಗಿದೆ. ಇದೇ ಅಸೂಯೆ ಮತ್ತು ಆಕ್ರೋಶವನ್ನು ಮನಸ್ಸಿನಲ್ಲಿಟ್ಟುಕೊಂಡಿದ್ದ ನೀಲಂ, ಕುಟುಂಬದ ಪ್ರೀತಿಯ ಕಂದಮ್ಮ ದಿಲ್ ರೋಜ್ಳನ್ನು ತನ್ನ ಕ್ರೂರತೆಗೆ ಬಲಿಪಶು ಮಾಡಿಕೊಂಡಿದ್ದಳು.
ಒಂದು ದಿನ ಮಗುವಿಗೆ ಸ್ಕೂಟರ್ನಲ್ಲಿ ಕರೆದುಕೊಂಡು ಹೋಗಿ ಸುತ್ತಾಡಿಸಿ ತರುವುದಾಗಿ ನಂಬಿಸಿ ಮನೆಯವರಿಂದ ಕರೆದೊಯ್ದಿದ್ದಳು.
ಎದೆನಡುಗಿಸುವ ಅಮಾನುಷ ಕೃತ್ಯ:
ಮಗುವನ್ನು ನಂಬಿಸಿ ಕರೆದೊಯ್ದ ಆರೋಪಿ, ಜನರಿಲ್ಲದ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಆ ಸಣ್ಣ ಕಂದಮ್ಮನ ಮೇಲೆ ಅಮಾನುಷವಾಗಿ ಹಲ್ಲೆ ನಡೆಸಿದ್ದಳು. ಮಗು ಗಟ್ಟಿಯಾಗಿ ಕಿರುಚಾಡಬಾರದು ಎಂಬ ಕಾರಣಕ್ಕೆ ಅದರ ಬಾಯಿಗೆ ಮಣ್ಣು ತುರುಕಿ, ಪ್ರಾಣ ಇರುವಾಗಲೇ ಸಣ್ಣ ಗುಂಡಿತೋಡಿ ಜೀವಂತವಾಗಿ ಹೂತುಹಾಕಿದ್ದಳು ಎಂಬ ಭೀಕರ ಸತ್ಯ ಪೊಲೀಸರ ತನಿಖೆಯಲ್ಲಿ ಬೆಳಕಿಗೆ ಬಂದಿತ್ತು.
ಈ ಕ್ರೂರ ಕೃತ್ಯಕ್ಕೆ ವಿಚಾರಣಾ ನ್ಯಾಯಾಲಯವು ಆರೋಪಿಗೆ ಗಲ್ಲು ಶಿಕ್ಷೆ ವಿಧಿಸಿ ತೀರ್ಪು ನೀಡಿತ್ತು. ಇದೀಗ ಈ ಶಿಕ್ಷೆಯನ್ನು ಪ್ರಶ್ನಿಸಿ ಆರೋಪಿ ಹೈಕೋರ್ಟ್ ಮೆಟ್ಟಿಲೇರಿದ್ದು, ನ್ಯಾಯಾಲಯದ ಮುಂದಿನ ನಡೆ ಕುತೂಹಲ ಮೂಡಿಸಿದೆ.
