ಉಜಿರೆ: ನವದೆಹಲಿಯ ರಾಷ್ಟ್ರೀಯ ವೃತ್ತಿ ಶಿಕ್ಷಣ ಪರಿಷತ್ (NCVT) 2026ರ ಜುಲೈನಲ್ಲಿ ನಡೆಸಿದ 2025-26ನೇ ಸಾಲಿನ ಅಖಿಲ ಭಾರತ ವೃತ್ತಿ ಪರೀಕ್ಷೆಯಲ್ಲಿ, ಇಲ್ಲಿನ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ (SDM) ಮಹಿಳಾ ಕೈಗಾರಿಕಾ ತರಬೇತಿ ಸಂಸ್ಥೆಯ ವಿದ್ಯಾರ್ಥಿನಿಯರು ಅತ್ಯುತ್ತಮ ಸಾಧನೆ ಮಾಡಿದ್ದು, ಶೇಕಡಾ 98.4ರಷ್ಟು ಫಲಿತಾಂಶ ದಾಖಲಾಗಿದೆ.
ಪರೀಕ್ಷೆಗೆ ಹಾಜರಾಗಿದ್ದ ಒಟ್ಟು 64 ವಿದ್ಯಾರ್ಥಿನಿಯರಲ್ಲಿ 63 ವಿದ್ಯಾರ್ಥಿನಿಯರು ತೇರ್ಗಡೆಯಾಗುವ ಮೂಲಕ ಸಂಸ್ಥೆಗೆ ಕೀರ್ತಿ ತಂದಿದ್ದಾರೆ. ಈ ಪೈಕಿ 49 ವಿದ್ಯಾರ್ಥಿನಿಯರು ವಿಶಿಷ್ಟ ಶ್ರೇಣಿಯಲ್ಲಿ (ಡಿಷ್ಟಿಂಕ್ಷನ್) ಹಾಗೂ 14 ವಿದ್ಯಾರ್ಥಿನಿಯರು ಪ್ರಥಮ ದರ್ಜೆಯಲ್ಲಿ ಉತ್ತೀರ್ಣರಾಗಿದ್ದಾರೆ.
ವಿಭಾಗವಾರು ಸಾಧನೆ:
- ಕೋಪಾ (COPA - ಕಂಪ್ಯೂಟರ್ ಆಪರೇಟರ್ & ಪ್ರೋಗ್ರಾಮಿಂಗ್ ಅಸಿಸ್ಟೆಂಟ್): ಪರೀಕ್ಷೆ ಬರೆದ ಎಲ್ಲಾ 25 ವಿದ್ಯಾರ್ಥಿನಿಯರೂ ತೇರ್ಗಡೆಯಾಗಿದ್ದು, ಶೇಕಡಾ 100ರಷ್ಟು ಪೂರ್ಣ ಫಲಿತಾಂಶ ಬಂದಿದೆ.
- ಫ್ಯಾಷನ್ ಡಿಸೈನ್ & ಟೆಕ್ನಾಲಜಿ: ಪರೀಕ್ಷೆಗೆ ಹಾಜರಾದ 39 ವಿದ್ಯಾರ್ಥಿನಿಯರಲ್ಲಿ 38 ವಿದ್ಯಾರ್ಥಿನಿಯರು ಉತ್ತೀರ್ಣರಾಗಿದ್ದು, ಶೇಕಡಾ 97.4ರಷ್ಟು ಫಲಿತಾಂಶ ಲಭಿಸಿದೆ.
ಸಾಧಕ ವಿದ್ಯಾರ್ಥಿನಿಯರು:
ಕೋಪಾ ವಿಭಾಗದ ವಿದ್ಯಾರ್ಥಿನಿಯರಾದ ಮೋಕ್ಷಾ ಎಂ. ಜಿ ಹಾಗೂ ಮೋಕ್ಷಿತಾ ತಲಾ 524/600 ಅಂಕಗಳನ್ನು ಪಡೆಯುವ ಮೂಲಕ ಜಂಟಿಯಾಗಿ ಪ್ರಥಮ ಸ್ಥಾನ ಪಡೆದಿದ್ದಾರೆ. ಅಪೇಕ್ಷಾ ಎಂ 518/600 ಅಂಕ ಗಳಿಸಿ ದ್ವಿತೀಯ ಸ್ಥಾನ ಗಳಿಸಿ ಸಂಸ್ಥೆಗೆ ಹೆಮ್ಮೆ ತಂದಿದ್ದಾರೆ.
